Raporti i Moody`s përcakton se qëndrueshmëria makroekonomike e vendit ka qenë pozitive në këtë periudhë të vitit. Ndërkohë që gjysma e dytë e dytë e vitit vlerësohet më potencialja për rritjen ekonomike duke dhënë kështu një optimizëm realisht të bazuar. Kjo është një dëshmi e kredibilitetit të ekonomisë shqiptare në një kohë kur Evropa dhe rajoni vazhdojnë të përjetojnë goditjet e krizës financiare me problematika e pasoja shumë komplekse.

Moody’s evidenton dhe vlerëson faktin se Shqipëria i rezistoi fuqishëm presioneve të krizës financiare në Evropë dhe më gjerë, duke menaxhuar këtë rritje ekonomike me reforma të rëndësishme për të ardhmen e vendit. Po kështu agjensia vlerëson progresin drejt proceseve integruese të vendit e sidomos ligjet  e miratuara së fundmi.

Sipas Moody` s, pavarësisht anëve pozitive Shqipëria e ka të nevojshme që të vijojë progresin e reformave dhe përmirësimet në disa sektorë si dhe forcimin e mëtejshëm të institucioneve. Një vlerësim i tillë përçon sinjale pozitive dhe në të njëjtën kohë është dëshmi e kredibilitetit të vendit për stabilitetin makro-ekonomik, politikat dhe reformat ekonomike në mbështetje të biznesit, përmirësimit te mjedisit fiskal dhe vazhdimësisë së reformave ne vend.

Biznesi dhe investitorët e huaj gjejnë një lexim të qartë në këtë vlerësim për të orientuar vendimmarrjet e tyre,  si dhe vazhdimësinë e politikave probiznes

The post Moody’s: Ekonomia shqiptare ‘Stable’, i rezistoi presioneve të krizës appeared first on Albanian News Agency.

“Vendimi më i rëndësishëm mes 44 vendimeve që miratohen sot në mbledhjen e qeverisë është rritja e rrogave dhe pensioneve në përputhje me përcaktimin e Buxhetit të Shtetit. Rritja e rrogave do të bëhet nga zero për rrogat më të larta deri në 4-6 % për pagat sipas kategorive. E njëjta skemë do të ndiqet edhe për pensionet. Rritja e rrogave dhe pensioneve do të hyjë në fuqi pas zgjedhjeve, pasi ka një modalitet pak të vështirësuar për shkak të Parlamentit. Por qeveria ka të drejtën me Kushtetutë të aktit normativ dhe qeveria në këtë rast do të shfrytëzojë të drejtën kushtetuese të aktit normativ, për të futur në fuqi rritjen. Kjo do të skedohet në mënyrë që javën ose 10 ditëshin e parë të parlamentit të ri të shqyrtohet”, sqaroi Berisha. Në këtë kuadër, Kryeministri akuzoi kreun e opoziës Edi Rama për qëndrimet e mbajtura prej tij sa herë që Qeveria ka vendosur për rritjen e pagave dhe pensioneve, sikundër edhe për mënyrën sesi kreu i opozitës nuk flet kurrë për rritjen e pagave. “Edi Rama nuk flet kurrë për rritje rrogash dhe pensionesh, ai flet thjesht se do të ulë këtë taksë dhe do rrisë këtë taksë nga e cila lind vetëm kaosi ekonomik”, u shpreh Berisha.

Një tjetër vendim i rëndësishëm, sipas Kryeministrit, është ai për dëmshpërblimin e 1040 të përndjekurve politikë, për të cilët do të vihen në dispozicion fondi prej rreth 45 milionë dollarë. Berisha sqaroi se dëmshpërblimi, i cili vijon pa ndërprerje nuk është në normën më të lartë, por është i merituar.  “Në listën e vendimeve të rëndësishme është edhe ai që qeveria vendos një shumë të madhe për dëmshpërblimin financiar për 1 mijë e 40 të përndjekur poltik në masën e rreth 45 milionë dollarëve. Ky është detyrimi që ka Qeveria shqiptare ndaj të përndjekurve politikë. Një proces që sigurisht do të donim të ishte më i shpejtë, por që ne nuk e kemi lënë kurrë. i garantoj të përndjekurit se brenda afatit ligjor, qeveria do të zbatojë ligjin me përpikmëri. Amendimet e kërkuara do të bëhen. Në parlament pati debate të mëdha. Madje në parlament pati tendenca nga pala tjetër për t’u përdorur kjo për qëllime shumë të këqija. Por ne vazhdojmë me vendosmëri për dëmshpërblimin me normën më të merituar të këtyre njerëzve të fjalës së lirë, që u martirizuan për së gjalli në burgjet dhe kampet e një regjimi barabar”, tha Berisha.

Qeveria gjithashtu vendosi privatizimin e një numri të madh banesash në favor të qytetarëve shqiptarë. “Kjo është një politike e drejtë që i jep zgjidhje përfundimtare strehimit të qindra familjeve në Tiranë, Durrës, Vlorë, Korçë dhe kudo”, tha Kryeministri. Gjithashtu, Kryeministri bëri të ditur se qeveria do të rimbursojë me para në dorë tvsh-në për të gjitha makineritë që fermerët shqiptarë blejnë në dyqanet e vendit. “Kjo erdhi si rezultati i kërkesës së tyre. Ky vendim plotëson përfundimisht paketën e reformave të thella që ne bëmë për të mbështetur fermerët e vendit”, theksoi Berisha.

The post Qeveria miraton rritjen e pagave dhe pensioneve appeared first on Albanian News Agency.

TIA përfshin në fushën e veprimtarisë projektimin, financimin, ndërtimin, vënien në punë, mirëmbajtjen, kryerjen, administrimin dhe zhvillimin e Aeroportit ‘Nënë Tereza’. Ndërsa kompania “Ëorld Airport Partners GmbH & Co.KG”  është një shoqëri bashkëpunimi gjermane, që funksionon si mekanizëm investimi “ad hoc” për llogari të shoqërisë mëmë kanadeze “Public Sector Pesion”. “Hochtief AG” (HOT), kompania më e madhe gjermane e ndërtimit, ra dakord në fillim të majit që të shesë divizionin e saj të aeroporteve tek “Public Sector Pension Investment Board” i Kanadasë, për t’u fokusuar  në aktivitetin e saj në ndërtim.

“Marrëveshja e vlerëson biznesin, që ka aksione në aeroportet e Athinës, Budapestit, Dyseldorfit, Hamburgut, Sidneit dhe Tiranës, në rreth 1.5 miliardë euro dhe “Hochtief AG” do të marrë 1.1 miliardë euro, ndërsa disa aksione janë mbajtur nga partnerët e saj”, tha kompania në një deklaratë.

Që prej datës 23 prill 2005, Tirana International Airport “Nënë Tereza” menaxhohet dhe operohet nga shoqëria private e quajtur “Tirana International Airport SHPK (TIA)”, si një firmë konçensionare që do të drejtojë të gjitha aktivitetet e aeroportit për 20 vjet. TIA është kompani në pronësi të “HOCHTIEF AirPort”, një nga liderët e investitorëve privatë të aeroporteve në botë, të “Deutsche Investitions- und Enëicklungsgesellschaft” (DEG), anëtare e grupit KfË e specializuar në financimin e investimeve të koorporatave, infrastrukturave në Europë dhe në financimin e eksporteve, projekteve afatgjata dhe investimeve të kompanive europiane jashtë vendit, Fondi Shqiptaro-Amerikan i Ndërmarrjeve (FSHAN), një kompani investuese krijuar nga Qeveria e SHBA-ve për të mbështetur zhvillimin e sektorit privat në Shqipëri

The post Kanadezët marrin administrimin e aeroportit ‘Nënë Tereza’ appeared first on Albanian News Agency.

“U mbajt premtimi dhe është kthyer normaliteti i furnizimit me energji elektrike. Kemi shlyer një sërë borxhesh, por ka ende shumë punë për të bërë. Shumica e punonjësve marrin paga më të larta se më parë, për shkak të performancës së mirë. Nga rritja e pagave kanë përfituar më shumë se gjysma e punonjësve të kompanisë dhe kjo ka ardhur si rezultat i përmirësimit të situatës financiare”, theksoi Dollapi.

The post Dollapi: Kthyem në normalitet CEZ Shpërndarje appeared first on Albanian News Agency.

Struktura e pagave

Paga minimale 21 mijë lekë 22 mijë lekë

Paga mesatare 51.3 mijë lekë 52. 8 mijë lekë

Arsimi i mesem 59.4 mijë lekë 61. 2 mijë lekë

Arsimi 9 vjeçare 56.7 mijë lekë 58. 4 mijë lekë

Paga mesatare mjekët 55.7 mijë lekë 57. 9 mijë lekë

Paga mesatare infermierë 36.7 mijë lekë 38.1 mijë lekë

The post Pagat dhe pensionet, rritje deri në 5 % nga 1 Korriku. Struktura e re sipas kategorive appeared first on Albanian News Agency.

The post Berisha: Ulja e taksave për bizneset do të vazhdojë appeared first on Albanian News Agency.

Duke e cilësuar Shqipërinë si një gadishull shumë premtues me rezervat e tij të mëdha, Kreu i Qeverisë tha se Ballkani do të jetë një nga rajonet me rritjet më të mëdha. Berisha u ndal kryesisht në sektorin energjitik në vend, për të cilin tha se gjatë viteve të fundit ka pësuar transformime të mëdha. “ Këto kanë qënë vite krize për ekonominë, por në Shqipëri në fushën e energjitikës kanë qënë vitet më të mira në histori. Qeveria shqiptare ka firmosur me shumë vende të ndryshme 127 kontrata për ndërtimin e 363 hidrocentraleve nga 443 që janë për tu ndërtuar, të nivelit të mesëm e të madh. Nga 363 me të cilët është firmosur, 53 kanë përfunduar, dhjetra të tjerë janë afër përfundimit e në ndërtim e sipër. Këto ditë filloi punimet investimi më i madh ai i kaskadës së Devollit dhe së shpejti nis punimet kaskada e Fanit”, tha kryeministri. Duke paraqitur reformat e ndërmarra nga Qeveria, Kryeministri vuri theksin në vendosjen e një regjimi fiskal të drejtë, heqjen e taksës së celikut dhe cimentos për HEC. “Paketa e lehtësirave fiskale nuk është e fundit, 4 vitet që vijnë qeveria do jetë shumë më aktive në partneritetin publik-privat. Ne jemi forcë politike që besojmë në taksat e ulëta, qëndrojmë të vendosur në platformën tonë. Shqipëria është një vend për tu konsideruar seriozisht për naftën”, tha Berisha.

Duke falenderuar kompanitë që investojnë në Shqipëri, Berisha theksoi se, “këto kompani me investimet dhe me projektet e tyre kanë shndërruar Shqipërinë në një vend shprese të vërtetë në rrafshin energjetik”.”Këto kompani janë bërë një faktor shumë i rëndësishëm në inkurajimin e investitorëve të tjerë nga Europa e bota, për të parë me interes investimet e tyre në këtë vend që në hartë është një vend i vogël, por që realisht ka potenciale të mëdha në këtë fushë”, tha Berisha.

Në lidhje me projektin e gazsjellësit TAP, Berisha u shpreh se jemi në prag të një vendimi të madh historik, atë të konsorciumit Shah Deniz 2. “Se cili do të jetë vendimi do ta shohim nga fundi i qershorit, por një gje është e qartë, projekti me fizibël, më ekonomik, më i strukturuar është Projekti TAP. Besoj se vendimi do të jetë për këtë projekt, për të cilin ky konsorcium serioz ka vite të tëra që elaboron çdo gjë në detaj, dhe është i gatshëm të fillojë punën. Ky projekt duhet marrë me përparësi nga ne, ndërsa ne nga ky konsorcium kërkojmë vetëm respektin e plotë të rregullave të tregut”, tha Berisha. Referuar mbështetjes ndaj projektit TAP, Kryeministri shtoi se tre ditë më parë tregut të TAP iu bashkua Kroacia, Bosnja , Mali i zi dhe natyrisht Kosova. “U bashkuan me vullnet të lirë për të qenë në listë kur të vijë momenti që TAP t’i furnizojë me gaz”, tha ai.

The post Berisha: Kemi potenciale të mëdha të pashfrytëzuara, lehtësirat fiskale do të vijojnë appeared first on Albanian News Agency.

Cilat janë fushat e ekonomisë të cilat sipas koalicionit të majtë do të jenë forcë kryesore për rritjen ekonomike në planin afatmesëm dhe planin afatgjatë? 
Besoj se ne jemi të detyruar të shohim përtej modelit të ndjekur deri më sot. Ky model ka shteruar. Nuk prodhon dot me as energji të reja, por as stabilitet ekonomik dhe financiar. Ne besojmë që një hapësirë e pashfrytëzuar është hapësira rurale e vendit. Një plan i mirëkonceptuar për një zhvillim modern rural, do të na jepte mudnësinë që të ndërtonim një nga shtyllat e ekonomisë. Një ekonomi prodhuese është një tjetër shtyllë që ne duam të ndërtojmë për të mbështetur maksimalisht shtimin e investimeve dhe për ta shoqëruar këtë me kualifikimin e krahut të punës. Së treti, sigurisht që Shqipëria mund të bëjë shumë edhe në drejtim te shërbimeve. Turizmi mbetet një nga shërbimet kryesore, por një turizëm i konceptuar krejt ndryshe nga sa është konceptuar deri më sot. Unë besoj që shteti i ri i Kosovës është një partner potencial shume i rëndësishëm në funksion të rimodelimit të rrugës sonë të zhvillimit ekonomik. Ashtu sikurse besoj qe marrëveshja Kosovë-Serbi, që i jep fund shpërbërjes së ish-Jugosllavisë, është një tjetër arsye për të parë dritë në fund të një tuneli që e ka penguar bashkëpunimin rajonal me fokus ekonominë. 

Si mendoni ju dhe forca që ju drejtoni që të ndikoni në rritjen ekonomike në planin afatmesëm, cilat do të jenë nxitjet në ekonomi? 
Ka dy anë kjo medalje. Njëra është si do të strukturojmë rrugëdaljen nga kriza e ekonomisë familjare shqiptare. Dhe rrugëdaljen nga kriza e ekonomisë kombëtare. Ne besojmë që ka një problematikë shumë më komplekse se sa ajo e sistemit fiskal, për të hapur rrugën e zhvillimit. Eshtë një problematikë që lidhet me shtetin, me mosfunksionimin e administratës, mosfunksionimin e sistemit gjyqësor, moszgjidhjen e çështjes së pronës, me moskualifikimin e krahut të punës dhe me mungesën, ndoshta kjo është e para për nga rëndësia, mungesën e lirisë së konkurrencës dhe ekzistencën e një nyjeje shumë shtrënguese për ekonominë që lidhet me klientelën e pushtetit. Mungesa e marrëdhënieve normale kontraktuale mes shtetit dhe sipërmarrjes, borxhet e mëdha të akumuluara për shkak të mungesës së seriozitetit nga shteti, përbëjnë një kompleksitetit që duhet adresuar me shumë forcë që në fillim, për të krijuar një marrëdhënie të re mes shtetit dhe sipërmarrjes. 

Si do ta menaxhonte PS, koalicioni i majtë, borxhin publik? 
Përsa i përket borxhit unë besoj se ndajmë të gjithë të njëjtin shqetësim. E para, rritja e borxhit nuk ka sjellë as rritje ekonomike, as punësim, dhe e dyta rritja e borxhit ka prodhuar një gjendje që sot është alarmante. Por t’i referohemi 4 mujorit të parë të 2013, jemi në kushtet kur duhet të rrënqethemi për situatën. Deficiti buxhetor ka një tejkalim dramatik. Deficiti në këto katër muaj është 11 milionë më shumë se katërmujori i 2012. Ne do të fillojmë bashkëpunimi me FMN, do të fillojmë bashkëpunimin me sipërmarrjen dhe do të fillojmë një punë për ristrukturimin e borxhit. 

Politikat fiskale, forca që ju drejtoni kërkon taksën progresive, cilat janë shkallëzimet që do të përdorni për taksën e korporatave, dividentëve? 
Nuk jemi për taksën progresive kur vjen puna tek fitimi i kompanive. Ne kemi folur për vlerën e progresivitetit si një vlerë që na ndan qartësisht nga pala tjetër. Tek fitimi i kompanive ne do kemi vetëm dy nivele. Një nivel tek biznesi i vogël, i bie që furra e bukës paguan njëlloj sa 15-katëshi. Ndërsa tek kompanitë do të ruajmë vetëm një nivel. Në radhë të parë në 100 ditët e para do të ndërtojmë strukturën e re komplet të marrëdhënieve me biznesin. Dhe do t’i japim biznesit prova se rritja e 10% është rezultat i nevojës për të marrë një shërbim më të mirë. Ne do të mbajmë një nivel të ulët që do ta konsultojmë dhe do ta vendosim bashkërisht vetëm pasi të ndërtojmë një strukturë në funksion të biznesit. 

Si mendoni për aplikimin TVSH-së të përshkallëzuar? 
Do të bëjmë disa ndërhyrje tek TVSH-ja, por në parim ne mendojmë që duhet ruajtur një nivel. Do heqim TVSH për makineritë prodhuese, do ta heqim realisht jo si këta që vunë një listë ku të shkoni t’i blini makineritë. Do heqim TVSH për një serë ushqimesh bazë. Do ta ulim TVSH për faturat e konsumit familjar. Do të bëjmë një skanim të situatës. Kush është situata reale e ekonomisë, e sektorëve dhe thellësisë së gropës që ka buxheti.

Cili do të jetë pragu i TVSH-së për bizneset? 
Ai që është sot për sot. Ajo që është e rëndësishme është rimbursimi i TVSH-së. Sot biznesi vuan nga mungesa e rimbursimit të TVSH-së dhe mungesa e respektit nga ana e qeverisë. 

Cila është zgjidhja e PS-së për problemin e rimbursimit të TVSH-së? 
A-ja është kjo, të vendosim respektin për marrëdhëniet kontraktuale me biznesin. Flas për kontratën që është Kushtetuta dhe ligji. Nëse shteti sillet si të ishte kompani më vete, por që ka dhe kulaçin dhe kërbaçin, nuk jemi në kushtet që jetojmë nën Kushtetutë, por o burra kush t’ia dali dhe të kapërcejë punën. 

Koncepti i PS-së për sigurimet shoqërore? 
Ka një problem shumë të madh që është vonesa historike për të ndërhyrë dhe për të reformuar gjithë këtë sistem. Është një vonesë shumë e gjatë që është shoqëruar dhe me mungesën totale të informacionit, për të ndërmarrë operacionin e domosdoshëm. Por është një reformë e munguar dhe pasojat e saj mund të jenë katastrofike. 

Si mendoni se mund të zgjidhet problem i pronësisë në Shqipëri? 
Çështja e pronësisë në Shqipëri ka 3 elementë. Elementi i parë është pronari dhe raporti me pronën e kahershme. Elementi i dytë është fermeri dhe raporti me tokën, i treti i ardhuri dhe raporti me shtëpinë pa leje. Janë elementë të ndërthurur me njëri-tjetrin sa përpjekja për tu kapur me njërin duke lënë tjetrin është jofunksionale. Ne do ta marrim çështjen në bllok. Të tre këta elementë duhet të jenë të vetëdijshëm që zgjidhje nuk mund të kenë 100% ata dhe të lerë komplet pa zgjidhje dy elementët e tjerë. Ne jemi në gjendje që të bëjmë një operacion publik të rishikimit të kthimeve dhe kompensimeve korruptive. Kemi kontaktuar agjenci të specializuara për bashkëpunim me ne. Do të bazohemi në shtënien në dorë të dokumenteve origjinale të pronësisë. Së dyti jemi në gjendje të themi se do të bëjmë rishikimin e të gjitha koncesioneve dhe privatizimeve që janë si në dëm të publikut apo si prodhuese asetesh kriminale. Edhe për këtë jemi duke punuar me një agjenci shumë të specializuar ndërkombëtare. Këto do të na japin mundësi për të zgjidhur problemin e pronës.

E drejta e pronësisë intelektuale, cila është qasja e PS-së në lidhje me këtë problem? 
Ka një ndryshim midis meje dhe kryeministrit, me ndryshimin se ai zgjidh çdo gjë, në nuk zgjidhim çdo gjë. Të fillojmë njëherë nga tërheqja e dhunuesve shtetërore nga territori i grabitjes së të drejtave pronësore intelektuale dhe të shkojmë dalëngadalë drejt privatëve. Kjo është një çështje që do marri kohë. Në një vend ku pjesa më e madhe e universiteteve janë labirinte ku qarkullojë teza të vjedhura dhe doktoratura të vjedhura. Në këtë aspekt besoj se ka shumë për të bërë, por nuk do të jetë një çështje që do të zgjidhet katër vitet e ardhshme. 

Si e shikoni ju të ardhmen apo perspektivën në lidhje me eurozonën të vendit tonë? 
Unë mendoj që sfida jonë për momentin nuk janë fatet e Eurozonës. Jemi shumë të vegjël në këndvështrimin tim dhe të detyruar për të zgjidhur ca halle tonat, për të cilat kemi mbështetjen e SHBA dhe vendeve të BE. Padyshim e ardhmja jonë është atje dhe rruga jonë është drejt Eurozonës. Ndryshe nga pala tjetër, ne kemi një qasje që procesi i integrimit nuk është proces prodhimi ligjesh, futje në zarf dhe dërgimin në Bruksel, por është ndërtimi i Europës këtu. Është një gjë e madhe që Shqipëria është anëtare e NATO-s dhe aspirojmë për në BE. Problemi më i madh mundohet të tregohet sikur është opozita. NATO dhe BE imponojnë ndërtimin e një Shqipërie tjetër. Kur njerëzit kanë nevojë për bukë, të mos u themi NATO. Kur faktet dalin në dritë, siç është analfabetizmi, mos themi NATO. Kjo është gjeja që duhet të ndryshojë esencialisht në politikë pas 23 qershorit. 

Si e mendoni bashkimin ekonomik me tregun e Kosovës? 
Jemi qartësisht në pararojë. Dhe jemi qartësisht të mirëpozicionuar për të nisur një projekt të madh strategjik të shqiptarëve në dy shtetet. Duhet të kuptojmë dhe veprojmë me shpejtësi në funksion të një fakti, hapësira shqiptare e Shqipërisë nuk mjafton për të përballuar krizën. Fakti që ka një tjetër hapësirë shqiptare, në një tjetër shtet shqiptar është një avantazh shumë i madh. Ballkani pas marrëveshjes Kosovë-Serbi, duhet parë si një mundësi tjetër.

The post Rama: Fushat kryesore për nxjerrjen e vendit nga kriza ekonomike. Modeli Berisha ka dështuar appeared first on Albanian News Agency.

Sipas tij, investimet publike në infrastrukturë do të vijojnë të mbahen në ritme të larta, duke ofruar mundësinë e punësimit të rreth 50 mijë qytetarëve. Mima theksoi se krijimi i kushteve të favorshme për thithjen e investimeve të huaja, të cilat u trefishuan që nga viti 2005, do të sjellin mundësinë e punësimit të qytetarëve.  “Projekti TAP dhe gazifikimi i Shqipërisë do të punësojnë direkt rreth 20 mijë qytetarë dhe indirekt 50 mijë të tjerë”, tha Mima.

Në sqarimet e tij ministri i Ekonomisë u shpreh se rreth 20 mijë qytetarë do të punësohen në sektorin e teknologjisë së informacionit, sektor që po njeh rritje dhe zhvillim. “Ne vijojmë të mbështesim tezën se qeveria është punëdhënësi më i keq, ndaj fokusi ynë do të jetë hartimi i politikave dhe reformave në mbështejte të sektorit privat për punësimin e qytetarëve”, tha Mima.

The post Mima: Ja sesi do të hapim 250 mijë vende pune appeared first on Albanian News Agency.

Kreu i Qeverise shqiptare vlerësoi edhe një herë rëndësinë e projektit TAP, duke shtuar se ai është jo vetem një vlerë e shtuar ekonomike për të ardhmen, por dhe një urë e shkëlqyer bashkëpunimi mes vendeve të rajonit. “TAP ka të gjitha shanset për të qenë projekti fitimtar. Krahasuar të dyja projektet çdo njeri e gjen TAP me një projekt fizibël dhe më të avancuar. Projekti tjetër është produkt i mossuksesit dhe në vetvete nuk ka sigurinë që ka projekti transadriatik. Dua të theksoj dhe një faktor tjetër, fuqinë bashkëpunuese që mban në vetvete ky projekt mes vendeve. Pak kohë më parë qeveritë e Italisë, Greqisë dhe Shqipërisë firmosën një marrëveshje, e para e këtij lloji që i angazhon ato t’u përmbahen rregullave të rëndësishme. Besoj se vendimmarrësit do ta kenë parasysh edhe këtë faktor”, tha ai.

Berisha tha se drejtimi kryesor i gazsjellësit është tregu i madh italian dhe grek, por rajoni me dinamizmin e tij sjell një treg të shtuar në hapësirën e furnizimit me gaz. “Drejtimi kryesor i TAP është tregu italian dhe tregje të tjera, por rajoni sjell një treg të shtuar në këtë gazsjellës. Rajoni ynë është një rajon me dinamizëm dhe potencial real në vitet që vinë. Ne memorandumin që firmosëm sot për mirëkuptim me qeverinë italiane dhe greke është dëshmi edhe e një urie për nevoja për gaz të rajonit”, u shpreh Berisha.

Zv.Kryeministri dhe ministri i Punëve të Jashtme i Bosnje Herzegovinës Zlatko Lagumdzija e vlerësoi si një prespektivë të ndritur për të ardhmen e përbashkët ekonomike dhe energjitike të rajonit. “Do ta falenderoja Kryeministrin Berisha për udhëheqjen e tij. Ne ndajmë të njëjtat bindje, mirëkuptimin e përbashkët. Jemi këtu se besojmë në të ardhmen tonë, të rajonit, të BE dhe të projektit TAP. Besojmë që edhe vendimet që do merren do të jenë në bazë të ekonomisë dhe teknologjisë. Po e mbyll me një thënie që përdoret në Bosnje, “Na ndihmoftë Zoti, por në fillim duhet të ndihmojmë veten”, tha ai.

“Ndërtimi i gazësjellësit ka rëndësi strategjike për vendin tonë.Ndërlidhja që do kemi me sisteme të tjera energjitike do na sjellë një sistem më të qëndrueshëm dhe më të mirë. Ndërtimi i projektit do ndihmojë edhe në përmirësimin e infrastrukturës energjitike, është një projekt europian rreth sigurisë energjitike që ata promovojnë. Kjo është mundësi edhe për vendin tonë”, vlerësoi ministri i Jashtem i Integrimit Europian i Malit të Zi Igor Lukshiç.

Zëvendësministri i Punëve të Jashtme i Republikës së Kroacisë, Joshko Klisoviç, shprehu mbështetjen e vendit të tij ndaj TAP.

Vendimi përfundimtar për projektin fitues pritet të merret në javët në vazhdim nga Konsorciumi Shah Deniz 2 në Azerbajxhan. Zgjedhja do te behet mes dy projekteve TAP dhe Nabucco West.

The post Projekti TAP, Memorandum Bashkepunimi mes Shqiperise, Malit te Zi, Bosnjes dhe Kroacise appeared first on Albanian News Agency.