Lidhur me tendencat për një “Shqipëri të madhe”, Thaçi ka vlerësoi se kryeministri i Shqipërisë, Sali Berisha është keqkuptuar, sepse bëhet fjalë për krijimin e kushteve në rajon ku njerëzit të mund të jetojnë pa kufizime por ku do të respektohen kufijtë shtetëror. Vetëm si shtete ne mund të bëhemi pjesë e Bashkimit Evropian, ka deklaruar kryeministri Thaçi.

Ndërsa ka theksuar se Serbia po shfaq një tendencë për të zvarritur procesin, mirëpo zbatimi i Marrëveshjes nuk ka alternativë. Ndryshe, sipas kryeministrit Thaçi, “as për Kosovën, as për Serbinë nuk do të ketë alternativë”, citon RTK deklaratën e kryeministrit kosovar dhënë kësaj gazete. Fillimisht kryeministri Thaçi ka vlerësuar se takimet e zhvilluara mes tij dhe homologut të tij serb, Ivica Daçiq, kanë qenë në funksion të stabilitetit, paqes dhe krijimit të fqinjësisë së mirë midis dy vendeve.

Marrëveshja e arritur për normalizimin e marrëdhënieve Kosovë – Serbi është bërë pas një konflikti 100- vjeçar, ka vlerësuar kryeministri Thaçi për gazetën vjeneze Die Presse. Kosova dhe Serbia, ka thënë ai, kanë lënë prapa të kaluarën dhe tani kanë bërë një agjendë që i shërben të ardhmes jo vetëm për të dy vendet, por edhe për gjithë rajonin. Marrëveshja gjithashtu është në shërbim të serbëve që jetojnë në veri të Kosovës, të cilët tani kanë filluar t’i kthehen normalitetit.

Duke folur për fatin e mëtejshëm të Marrëveshjes, kryeministri Thaçi ka theksuar se “nga Serbia po shfaqet një tendencë për të zvarritur procesin, mirëpo implementimi i Marrëveshjes nuk ka alternativë, sepse ndryshe as për Kosovën as për Serbinë nuk do të ketë të ardhme evropiane”. Marrëveshja e 19 prillit nuk është fundi, por fillimi i një procesi të gjatë, ka theksuar kryeministri Thaçi, që, sipas tij, në radhë janë zgjidhjet e kontesteve tjera , kurse në tetor, ka thënë ai, do të jetë gjithçka gati për zgjedhjet e lira lokale në veri.

Duke folur për pozitën e shqiptarëve në Luginën e Preshevës, kryeministri Thaçi, ka deklaruar se Kosova po punon për hapjen e kufijve dhe jo mbylljen e tyre.  (KOHA)

The post Thaçi: S’do te kete kembim territoresh dhe as Shqiperi te Madhe, Berisha është keqkuptuar appeared first on Albanian News Agency.

Parku u boshatis shumë shpejt pasi qindra policë, me automjete të blinduara u futën në zonë dhe filluan të përdorin granatat xhurmuese dhe gazin lotësjellës. Një zjarr digjej në një rrugë pranë parkut dhe ka pasur raporte se është përdorur gaz lotësjellës edhe në lobin e një hoteli me pesë yje, ku u strehuan disa nga protestuesit. Policia paralajmëroi gazetarët që po ndiqnin zhvillimet të largoheshin ose mund të bëheshin objekt arrestesh.

Para masave policore, protestuesit kishin filluar të grumbulloheshin në park dhe në Sheshin Taksim aty pranë, në përgjigje të thirrjeve përmes medias sociale për një protestë masive. Organizimi i djeshëm u ndërmor në përgjigje të kritikave të kryeministrit Reçep Taip Erdohan ndaj demonstruesve.

Vetëm disa orë më parë në një tubim në Ankara, kryeministri tha para dhjetëra mijëra përkrahësve se demonstruesit në Stamboll ishin njerëz të shtresave të izoluara dhe nxori paralajmërim kundër tyre.

Kryeministri Erdohan tha se parku nuk u përket organizatave të paligjshme dhe Parku Gezi e Sheshi Taksim duhet të lirohen, përndryshe situatën do ta marrin në dorë forcat e sigurisë.

Zoti Erdohan paralajmëroi më pas se do të ndërmerrej një operacion i ligjshëm, duke thënë se protestuesit do të nxirreshin para drejtësisë. Ai i akuzoi protestuesit se po shfrytëzoheshin nga fuqi të huaja që po bashkëpunonin me elementë brenda në Turqi.

Protesta fillestare në Parkun Gezi u organizua për të ndalur planet qeveritare për një projekt komercial në këtë park. Por një përgjigje e egër nga policia dy javë më parë solli acarimin e protestave dhe shndërrimin e tyre në demonstrata mbarë-kombëtare me thirrjet kundër qeverisë. Kritikët e zotit Erdohan thonë se ai po përpiqet t’u imponojë turqve laikë pikëpamjet e tij konservatore islamiste.

Zoti Erdohan ende gëzon mbështetje të konsiderueshme në Turqi, pasi siguroi 50 për qind të votave në zgjedhjet e fundit. Por vëzhguesit thonë se trazirat e fundit civile tregojnë se Turqia mbetet një vend i polarizuar. (VOA)

The post Stamboll, policia ndërhyn për shpërndarjen e protestuesve appeared first on Albanian News Agency.

Dje në orët e para të ditës, zoti Erdohan paralajmëroi protestuesit se kishin 24 orë afat për t’u larguar nga Sheshi Taksim i Stambollit. Protestuesit kanë dy javë që vazhdojnë protestat kundër planeve për të ndërtuar një kompleks kompercial në një park publik. Shumë shpejt protestat morën përmasat e demonstratave masive kundër regjimit të zotit Erdohan. Opozita e akuzon atë se po përpiqet të imponojë pikëpamjet e tij konservatore islamiste mbi turqit laikë. (VOA)

The post Erdogan takon protestuesit appeared first on Albanian News Agency.

Aktivistët kanë thënë se nuk do të largohen prej këtu derisa qeveria të heqë dorë nga planet në park. Partia e Erdogan ka propozuar një referendum mbi çështjen ndërkohë. Edhe pse një votë e tillë nuk do të jetë ligjërisht detyruese, Erdogan la të kuptohet se do të respektojë rezultatin.

“U them nënave dhe baballarë, merrni fëmijët tuaj dhe nxirrini prej këtu”, deklaroi Erdogan. “ne nuk mund të presim më, sepse Parku Gezi nuk u përket protestuesve, por popullit”. Fjalimi i tij në takimin e partisë së tij AK në Ankara, mori ovacione të të pranishmëve, duke u ngritur në këmbë.

Qeveria turke: Referendum për projektin e parkut

Qeveria turke thotë se mund të shqyrtojë idenë e organizimit të një referendumi lidhur me të ardhmen e parkut publik. Planet për ngritjen e një kompleksi komercial në këtë park u bënë shkak për protestat masive që kanë mbërthyer vendin. Por zëdhënësi qeveritar u shpreh se për të shqyrtuar këtë alternativë, duhet të ndalen së pari protestat.  Komentet u bënë ndërkohë që kryeministri Erdohan po zhvillonte bisedime me përfaqësues të protestuesve. Por shumë protestues të tjerë kanë thënë se nuk do të përfillin rezultatet e bisedimeve, pasi grupi i protestuesve u zgjodh nga vetë qeveria.

Mijëra juristë turq u larguan dje nga gjykatat në shenjë proteste ndaj ndalimit të kolegëve të tyre nga policia, në vazhdën e trazirave më të gjera anti-qeveritare në disa vjet.

Mbi 2000 juristë të mbledhur para gjykatës kryesore të Stambollit hidhnin parulla “kudo Taksim, kudo qëndresë”. Protesta e juristëve u ndërmor në përgjigje të fushatës policore ndaj demonstruesve anti-qeveritarë në Sheshin Taksim të qytetit. Një nga juristët shpjegon se ata po protestojnë ndaj atyre që ajo i cilëson si zhvillime shumë negative në Sheshin Taksim.

Në përgjigje të protestës së juristëve, kreu i Shoqatës së Avokatëve në Stamboll, Ьmit Kocasakal, kritikoi përgjigjen e policisë. Ai thotë se përdorimi i gazit lotësjellës dhe plumbave plastikë është i paligjshëm dhe vënia në shenjestër e të gjithëve pa dallim nga aktet, është e pajustifikueshme. Ai thotë se protestuesit turq nuk janë buburreca që mund të vriten me përdorimin e gazit.

Deri në orët e para të ditës së djeshme, forcat e sigurisë u përleshën me protestuesit. Afro 100 juristë u ndaluan nga policia të martën, ndërkohë që protestonin në gjykatat e Stambollit kundër fushatës qeveritare. Sipas njoftimeve, të gjithë janë liruar.

Sheshi Taksim është nën kontrollin policor dhe Parku Gezi, ende i zaptuar nga protestuesit, është rrethuar nga policia.

Planet e qeverisë për një kompleks komercial në parkun Gezi ishin shkaku i shpërtimit të protestave që gradualisht u shndërruan në qëndresën më të madhe anti-qeveritare në disa dekada me thirrjet për dorëheqjen e kryeministrit Recep Taip Erdohan.

Zoti Erdohan u takua me një delegacion me 11 studentë, akademikë dhe artistë. Disa protestues në parkun Gezi ishin kundër takimit me kryeministrin, duke akuzuar se grupi i protestuesve në takim ishte zgjedhur nga qeveria.

Kryeministri do të takohet edhe me një artist të njohur që mendohet se do të marrë rolin e ndërmjetësit. Shumë protestues e kanë kundërshtuar këtë ide. (VOA)

The post ‘Paralajmërimi i fundit’ i Erdogan: Durimi ka një fund appeared first on Albanian News Agency.

Qeveria tha se ERT ishte një rast i shpenzimeve të mëdha të panevojshme dhe se mbyllja e stacionit do t’u kursente para taksapaguesve. Greqia është duke kaluar kohë të vështira ekonomike, në këtë periudhë kur përpiqet të plotësojë kushtet për të marrë këstet e ndihmës ndërkombëtare. Sindikata e gazetarëve grekë bëri thirrje për greva, deri në rihapjen e stacionit ERT.

Kryeministri grek Antonis Samaras po ndeshet me kundërshtimin e partnerëve të koalicionit, Partia Socialiste, PASOK dhe Partia Demokartike e Majtë, lidhur me mbylljen e stacionit ERT. Udhëheqësi i opozitës, Alexis Tsipras, tha se do të takohet me Presidentin Karolos Papulial, për të protestuar ndaj këtij vendimi. (VOA)

The post Greqia mbyll ERT appeared first on Albanian News Agency.

The post Të gjithë kundër Erdogan, por jo kurdët appeared first on Albanian News Agency.

Prej shteteve të tjera nga Ballkani më mirë është klasifikuar Turqia, në vendin e 37, Sllovenia në vendin e 52, Greqia në 54 dhe Bullgaria në vendin e  57 të listës së IMD-së.

Sipas rezultateve nga hulumtimi, pothuajse të gjitha shtetet nga Ballkani janë klasifikuar mes 20 shteteve më keq të klasifikuara sipas konkurrencës.

Hulumtimi i IMD-së zvicerane nuk i ka përfshirë të gjitha shtetet nga rajoni, por sipas rezultateve të fundit nga konkurrenca globale e Forumit Ekonomik Botëror, Bosnja e Hercegovina është në vendin e 88, Mali i Zi në 72, Shqipëria 89 dhe Serbia 95, nga 144 shtete nga bota.

Në krye të listës së IMD-së janë SHBA-ja, me pas vijojnë Zvicra, Hong Kong, Suedia, Singapori, Norvegjia, Kanadaja, Emiratet e Bashkuara Arabe, Gjermania  dhe Katari.

Prej 20 shteteve më mirë të klasifikuara në botë, 10 janë evropiane që do të thotë se Evropa është kontinenti më konkurrent.

IMD zvicerane merr parasysh 60 tregjet ekonomike tipike, ndërsa kriteret tregojnë lëvizje ekonomike dhe mundësi financiare në bazë të rezultateve ekonomike, efikasitetit të sektorit publik, efikasitet të biznes sektorit dhe zhvillimit të infrastrukturës.

The post Ballkani, më pak atraktiv për investimet e huaja appeared first on Albanian News Agency.

Policia përdori gaz lotsjellës dhe ujë me presion në përpjekje për të shpërndarë një tubim paqësor të premten në sheshin e famshëm Taksim të Stambollit, që ka qenë prej kohësh qendër e protestave politike. Por reagimi i ashpër vetëm sa provokoi trazira të mëtejshme, duke kthyer blloqe të tëra të lagjes qendrore në atë që i ngjason një zone lufte me dhjetra të plagosur.

Në solidaritet me demonstruesit në Stamboll, protesta shpërthyen në Ankara dhe në më shumë se 12 qytete turke kur protestuesit janë përleshur me policinë dhe kanë hedhur parrulla kundër kryeministrit Recep Tayyip Erdogan.

Zoti Erdogan u përpoq të qetësonte situatën gjatë një fjalimi sot, ndërsa policia vazhdoi të përballohej me mijëra protestues në Stamboll. Kryeministri pranoi se policia kishte gatuar në përdorimin e gazit lotsjellës, por këmbënguli se projekti i zhvillimit në Taksim do të vazhdojë.

Analistët thonë se trazirat tregojnë pakënaqësinë në rritje rreth politikave të qeverisë së dominuar islamike,që disa e akuzojnë se po bëhet gjithnjë e më shumë autoritare. (VOA)

The post Protesta në Stamboll appeared first on Albanian News Agency.

Më herët, mospjesëmarrjen në samit e shpalli Presidenti i Shqipërisë Bujar Nishani, ndërsa sot një veprim të tillë e paraqiti edhe presidenti i Kroacisë Ivo Josipoviq. Dy Presidentët refuzuan pjesëmarjen pasi Kosova uk ishte ftuar në Samit.

Presidenca e Kosovës ka thënë se mosdërgimi i ftesës për presidenten e Kosovës Atifgete Jahjaga që të marrë pjesë në samitin e Ohrit, ishte shkaktuar nga kundërshtimi i Serbisë dhe Bosnjë Hercegovinës.

The post Anulohet Samiti i Ohrit appeared first on Albanian News Agency.

Shefja e politikës së jashtme të Bashkimit Evropian Catherine Ashton theksoi nëpërmjet një deklarate se kryeministrat “janë pajtuar për një tekst, mbi të cilin do të vazhdojnë këshillimet. Ata do të jenë në kontakt me mua deri në fund të javës”.  Kryeministri i Kosovës, Hashim Thaçi tha se është arritur nje pajtim i cili duhet të verifikohet nga qeveritë e të dyja vendeve. Ai tha se janë përcaktuar afatet kohore dhe zbatuesit e marrëveshjes për gjashtë muajt e ardhshëm. Ai tha se pajtimi paraqet një angazhim krijues të të dyja palëve.

Një muaj më parë, të dy kryeministrat u akorduan rreth marrëveshjes së parë për normalizimin e marrëdhënieve, por ndonëse ishte planifikuar që deri më 26 prill të ketë një plan për zbatimin e saj, grupet punuese të të dyja palëve dështuan të arrijnë një pajtim. Prandaj, zonja Ashton, që është edhe ndërmjetësuese e bisedimeve, vendosi të ftojë sërish kryeministrat në një takim të ri.

Marrëveshja e arritur me 19 prill u siguron serbëve në komunat veriore përgjegjësi në fushën e policisë dhe gjyqësisë dhe një shkallë të lartë autonomie në shumë fusha tjera.

Marrëveshja është mbështetur nga diplomacia euro perëndimore e cila e sheh atë si një hap të të dyja vendeve drejt integrimeve evropiane.

Komisioni Evropian miratoi propozimin që Serbisë t’i jepet data e fillimit të negociatave për anëtarësim në Bashkimin Evropian, ndërsa Kosovës ajo e negociatave për marrëveshjen e stabilizim asocimit.

Por, vendimi i Këshillit të Ministrave të Bashkimit Evropian për këtë çështje që do të merret në fund të muajit qershor, varet nga zbatimi i marrëveshjes në terren.

The post Arrihet kompromisi, Thaçi-Daçiç dakordësohen në parim për marrëveshjen appeared first on Albanian News Agency.