Berisha, librat dhe muzika e preferuar

Berisha ne FacebookNë profilin në Facebook të Kryeministrit Sali Berisha, në seksionin “Interesimet”, veç tjerash janë shënuar edhe librat dhe muzika e preferuar e tij (të paktën, sipas asaj që shkruan aty).

Në fakt, është kjo një përzierje rrymash e epokash letrare e muzikore që nuk është fare e lehtë të ftillohet.

Kështu, ndër librat e preferuar të kryeministrit Berisha del të jenë: “Viti ’93”, i Victor Hugo; “Për kë bien kambanat”, nga Ernest Hemingway: “Emri i Trëndafilit”, nga Umberto Eco: “Shkretëtira e Tartarëve” nga Dino Buzzati; “Plaku dhe deti”, nga Ernest Hemingway; “Atlas Shrugged”, nga Ayn Rand; “Lolita”, nga Vladimir Nabokov; “Kujtimet e Adrianit”, nga Marguerite Yourcenar” “Ngjyra e purpurt” nga Alice Walker; “Ali Pasha”, biografi nga Sabri Godo; si dhe “çdo gjë e shkruajtur nga Ismail Kadare, Ali Podrimja, Lasgush Poradeci, Fan Noli, Gjergj Fishta, i dua librat!”.

Nga ana tjetër, muzika e preferuar e kryeministrit shqiptar është kjo:

Beatles, Tom Jones, Elvis Prestley, Ricky Martin, Kanye West, Beyonce, Whitney Houston, Rihanna, Inva Mula, Rita Ora, Saimir Pirgu, Elita 5, Jacques Braille, si dhe “shumë këngëtarë aktualë shqiptarë”.

 

 

Leave a Reply

Log in | Designed by GSC