Buxhuku: Banka e Shqiperisë të ulë normën bazë të interesit për Lekun
Konfindustria i kërkon Bankës së Shqipërisë të vlerësoj sa më shpejtë zbutjen e mëtejshme të politikës monetare për të ulur normën bazë prej 4% të interesit për monedhën kombëtare Lekun. Konfindustria në kërkesën e saj drejtuar Bankës së Shqipërisë për vazhdimin e politikës zbutëse monetare vlerëson, se “shtimi i prekshëm i depozitave të qytetarëve shqiptare në sistemin bankar të vendit, qëndrueshmëria e Lekut, sidomos kundrejt monedhës europiane si dhe norma e inflacionit në intervalin e parashikuar prej 2-3%, krijojnë kushtet dhe kohën e duhur për sigurimin e suksesit të dëshiruar: rritjen e likuiditetit në ekonomi.
Administratori i Përgjithshëm Gjergj Buxhuku theksoi se kërkesa e Konfindustrisë drejtuar Bankës së Shqipërisë për ndërhyrje të menjëhershme për uljen e normës bazë të interesit arsyetohet pas të dhënave të ardhura pranë saj nga grupet kryesore të industrive, që prodhojnë për tregun e brendshëm, për vazhdimin e qëndrimit në nivele të ulta në 9 mujorin e vitit 2012 të disa treguesve. Në këtë kuadër Buxhuku përmendi treguesit e shitjeve të shoqëruar edhe me ato të normës së fitimit të një pjese të madhe të sektorëve industriale. “Të dhënat e mësipërme të shoqëruara me tregues tepër të ulëta të konsumit si dhe me shtimin e përqindjes së kapaciteteve të pashfrytëzuara të industrive, shprehin qartë mungesën e likuiditetit në ekonomi shoqëruar edhe rënien e besimit konsumator”, tha Buxhuku.
Konfindustria vlerëson, se niveli i ulët i jetës së qytetarëve shqiptare, shprehet në konsumin vetëm të mallrave dhe shërbimeve bazike me të domosdoshme të jetesës.
