Eto’o zbulon tratativat me PSG
Sulmuesi i Anzhi Makhachkala Samuel Eto’o ka bërë të ditur se gjatë verës zhvilloi bisedime me Paris Saint-Germain rreth mundësisë së transferimit te klubi francez. Eto’o, 31 vjeç, iu bashkua Anzhit gjatë verës së shkuar nga Inter në marrëveshje e cila besohet se e ka bërë atë futbollistin më të paguar në botë. Por, ylli kamerunas ka bërë të ditur se muaj më parë ishte afër kalimit në PSG. “PSG është ekip i madh me trajner të madh, por nuk ndodhi. Ata morën një tjetër futbollist të mirë për ti udhëhequr (Ibrahimovic)”, deklaroi Eto’o për Canal Football Club.
