Totozani viziton grevistët e urisë
Në ditën e 29 të grevës së urisë, Avokati i Popullit Igli Totozani ka vendosur të vizitojë nga afër gjendjen e ish të përndjekurve të ngujuar në cadrat e improvizuara në zonën e “Komunës së Parisit”. Totozani i është përgjigjur thirrjes së vazhdueshme të grevistëve për prezencën direkte të tij dhe jo përmes përfaqësuesve, ku është futur në cadrën e ish të burgosurve politikë dhe u njoh me shqetësimet dhe kërkesat e grevistëve. Një ditë më parë Totozani ju drejtua Qeverisë për të nisur dialogun me grevistët.
Më herët ish- të përndjekurit kanë denoncuar veprimet e dhunshme të policisë. Nga ana tjetër edhe Partia Socialiste përmes Keti Bazhdarit ka akuzuar qeverinë se ka urdhëruar policinë që të largojë sheqerin dhe trisolin shumë të nevojshme për grevistët.
