Bursat e studimit në Rumani, si mund të aplikoni? Kushtet që duhen plotësuar
Rumania ka nisur procesin e aplikimit për programin e bursave për doktoraturë dhe postdoktoraturë “Eugen Ionescu”, për vitin akademik 2012-2013. Programi i bursave u drejtohet studentëve të doktoraturës dhe kërkuesëve nga shtetet anëtare të Organizatës Ndërkombëtare të Frankofonisë (ONF). Bursat akordohen përmes Ministrisë së Punëve të Jashtme të Rumanisë dhe administrohen nga Agjencia Universitare e Frankofonisë, duke filluar nga 1 shkurt 2013. Prioritet kanë kandidatët që vijnë nga Evropa Qëndrore dhe Lindore. Kohëzgjatja e bursës së studimit varion nga 3 deri në 6 muaj, në varësi të zgjatjes së projektit kërkimor, duke filluar nga data 15 Nëntor 2012. Më poshtë po japim të plotë udhëzuesin sesi mund të aplikoni.
PROGRAMI i BURSAVE RUMUNE “EUGEN IONESCU” NË DOKTORATURË DHE POSTDOKTORATURË PËR VITIN AKADEMIK 2012-2013
Ambasada e Rumanisë në Tiranë njofton se Rumania ka filluar procesin e aplikimit për programin e bursave për doktoraturë dhe postdoktoraturë “Eugen Ionescu”, për vitin akademik 2012-2013. Programi i bursave u drejtohet studentëve të doktoraturës dhe kërkuesëve nga shtetet anëtare të Organizatës Ndërkombëtare të Frankofonisë (ONF). Bursat akordohen përmes Ministrisë së Punëve të Jashtme të Rumanisë dhe administrohen nga Agjencia Universitare e Frankofonisë, duke filluar nga 1 shkurt 2013. Prioritet kanë kandidatët që vijnë nga Evropa Qëndrore dhe Lindore. Kohëzgjatja e bursës së studimit varion nga 3 deri në 6 muaj, në varësi të zgjatjes së projektit kërkimor, duke filluar nga data 15 Nëntor 2012.
Procedura për këtë aplikim është si më poshtë vijon:
1. Të gjithë kandidatët e interesuar për këtë aplikim duhet të marrë miratimin nga 1 prej 22 universitetet rumune;
2. Dosja e plotësuar duhet të dorëzohet pranë zyrës rajonale të Agjencisë Universitare të Frankofonisë (AUF), së cilës i përket universiteti ku ka aplikuar;
3. Të gjitha dosjet e dorëzuara, nga ana e këtyre zyrave arsimore përcillen zyrtarisht pranë zyrës rajonale për Evropën Qendrore dhe Lindore të AUFsë, me seli në Bukuresht;
4. Përzgjedhja e parë e kandidatëve bëhet nga një Komision Rajonal Ekspertësh, me dosje, në bazë të kritereve shkencore që plotëson çdo kandidat;
5. Përzgjedhja përfundimtare e dosjeve bëhet edhe nga një komision tjetër i përbërë, ku Ministria e Punëve të Jashtme luan rolin kryesor në vendimmarrje në përputhje me interesat dhe prioritetet e politikës së jashtme të Rumanisë.
6. Publikohet rezultati i procedurës dhe emri i fituesve të bursës. Për detaje të hollësishme mbi aplikimin, të interesuarit t’i referohen adresave sipas listës së universiteteve të përfshira në Programin e Bursave “Eugen Ionescu” dhe faqes së Internetit të Agjencisë Universitare të Frankofonisë në Bukuresht (Agence Universitarie Francophonie) http://www.umfcv.ro/en/eugene-ionesco-scholarships
Afati i fundit për dorëzimin e dokumenteve pranë zyrës rajonale për Evropën Qendrore dhe Lindore të AUF-së nga aplikantët është data 15 Nëntor 2012.
