Imami i përgjigjet Braces: Po nxit shthurjen e institucioneve
Ministria e Mbrojtjes ka reguar pas deklaratës së deputetit të Partisë Socialiste, Erjon Brace, duke ritheksuar qëndrimin e saj se publikimi i dokumenteve nga PS për tregëtinë e armëve janë sekret shtetëror. Zëdhënësja Lorisa Ylli tha se “Braçe po nxit shthurjen e institucioneve, pasi po publikon dokumenta sekrete”.
Sipas saj, “shitja e municioneve është e ligjshme dhe e monitoruar”, ndërsa hodhi poshtë dhe pretendimet e PS për cënim të sigurisë kombëtare nga shitja e armëve në Mal të Zi, duke e quajtur një propagandë komuniste”. “Ne do pastrojmë plehrat e komunizmit. Jemi të gatshëm të përgjigjemi për çdo dokument”, tha ajo.
Deputeti Brace akuzoi sot sërisht Ministrinë e Mbrojtjes në lidhje me tregtimin e armëve. Brace hodhi poshtë pretendimet e dikasterit të drejtuar nga Arben Imami, sipas të cilit dokumentet e publikuara nga ligjvënësi socialist përbëjnë sekret shtetëror.
