Sajmir Ivziku jep dorëheqjen si drejtor i QSUT
Sajmir Ivziku jep dorëheqjen si drejtor i QSUT: Sajmir Ivziku ka dhënë dorëheqjen nga posti i Drejtorit të Përgjithshëm të QSUT-së. Zyrtarisht ende nuk dihen arsyet e aktit të dorëheqjes, por burime nga Ministria e Shëndetësisë bënë të ditur se shkak mbeten mosmarrëveshjet mes tij dhe ministrit të ri, Vangjel Tavo. Ivziku ishte emëruar në krye të QSUT-së rreth dy vite më parë, në kuadër të marrëveshjes PD-LSI për ndarjen e posteve drejtuese të administratës. Burimet shprehen se sërisht në krye të QSUT do të jetë një përfaqësues i LSI-së, ndërsa kandidaturë kryesore për këtë post është Pëllumb Pipero, Drejtor i Përgjithshëm në Ministrinë e Shëndetësisë.
Albpress njoftoi pak kohë më parë ndryshimet e pritshme në Ministrinë e Shëndetësisë, pas largimit të Petrit Vasilit nga ky pozicion. Mësohet se disa ditë më parë edhe shefi i kabinetit të ministrit të Shëndetësisë ka paraqitur dorëheqjen.
