Superkupa e Europës, Atletico Madrid leksion Chelsea
Kampionët e Europës, Chelsea, pësoi një humbje shokuese 1-4 në përballjen me Atletico Madrid për trofeun e Superkupës së Europës. Megjithëse londinezët shkonin në këtë përballje si favoritë, fituesja e Europa League, i dha leksion ekipit të Di Mateo.
Tekniku Italian i Chelsea dështoi me të gjitha skemat e aplikuara, ndërsa londinezët shfaqën probleme të shumta qoftë në mbrojtje, mesfushë apo sulm. Hazard, Torres, Mata apo Lampard nuk ishin në gjendje të organizonin asnjë sulm për Chelsea, ndërsa Atletico Madrid ka dhuruar spektakël. Edhe ndryshimet e realizuara në pjesën e dytë, nuk ndihmuan ekipin e Di Mateo të përmirësonte lojënNë anën tjetër, spanjollët janë treguar të papërmbajtshëm, ndërsa lojtari kryesor i tyre Radamel Falcao ishte në një superformë. Tre golat e shënuar dhe dy shtylla, e bënë kolumbianin jo vetëm lojtarin më të mirë për Atletico Madrid, por për të dyja skuadrat.
