Berisha kritika Ahmadinejad: Deklarata naziste dhe paranojake
Kryeministri Sali Berisha ka reaguar pas deklaratës së fundit të Presidentit të Iranit, Mahmoud Ahmadinejad, duke i cilësuar ato naziste dhe paranojake. Nëpërmjet një deklarate për mediat, Berisha thekson se “Me deklaratën e tij të fundit, se nuk do ketë vend në Lindjen e Mesme për Izraelin, Presidenti i Iranit, Ahmadinejad, dëshmon në mënyrë të përsëritur se ai ndan me Hitlerin dhe lejtenantët e tij qëndrime dhe ideologji identike për hebrenjtë dhe kombin e tyre”.
“Me këto qëndrime, Ahmadinejad dëshmon se ai dhe ideologjia e tij janë një kërcënim real madhor dhe në rritje, për paqen dhe stabilitetin në Lindjen e Mesme dhe në mbarë botën. Deklaratat naziste e paranojake të Ahmadinejad, janë një thirrje e vërtetë për ndalimin me çdo kusht dhe mjet, të programit nuklear të Iranit, si një ndër rreziqet më madhore të paqes botërore sot”.
