Ekstradohet nga Italia 34 vjeçari
Zyra Qendrore Kombëtare Interpol Tirana ekstradoi sot nga Milano( Itali) drejt vendit tonë, një shtetas shqiptar të shpallur në kërkim ndërkombëtar. Sipas një njoftimi zyrtar nga Policia e Shtetit, 34 vjeçari i ekstraduar, është dënuar me 3 vjet burg, për kryerjen e veprës penale të “Dhënies së ndihmës për kalim të paligjshëm kufiri”. Sipas policisë, ky shtetas është deklaruar fajtor, pasi u premtonte shtetasve shqiptarë mundësimin e kalimit të kufirit drejt shtetit grek, kundrejt një pagese.
