Hulk mund të qëndrojë tek Porto
Braziliani Hulk mund të qëndrojë tek Porto, kjo pasi në drejtim të tij, nuk ka patur oferta konkrete. Kjo pohohet nga agjenti i lojtarit, për të cilin shfaqën interes disa prej klubeve më të pasura europiane. Por duket se sulmuesi brazilian, pjesë e kombëtares së vendit të tij, në lojrat olimpike të ‘Londra 2012’, është i destinuar që të vijojë të luajë me Porton.
Chelsea, kampionia e Europës, kërkoi me insistim marrjen e sulmuesit brazilian, ndërsa më pas interes shfaqi edhe Zenit St Petersburg.
“Ne nuk po flasim për ndonjë klub në këtë kohë. Hulk është e fokusuar tërësisht tek ekipi brazilian në Lojërat Olimpike në Londër|, tha agjenti i lojtarit. Por fakti që deri në mbylljen e merkatos së verës kanë mbetur edhe 4 javë, nuk do të thotë se Hulk mund të mos transferohet në një nga skuadrat që kanë shprehur interes për të.
