Tifozët e Danimarkës kundër Ronaldos: Messi, Messi
Tifozët danezë kanë zgjedhur një mënyrë krejt të veçantë për të ngacmuar yllin e Portugalisë, Cristiano Ronaldo. Në përballjen mes Danimarkës dhe Portugalisë, ku kjo e fundit fitoi me rezultatin 2-3, tifozët danezë përgjatë të gjithë takimit brohorisnin ‘Messi, Messi’, sa herë që Ronaldo kapte topin.
Kjo situatë duket se nuk është kapërdirë nga ylli i Portugalisë, edhe pse në dy takimet e para të Euro 2012 ai nuk ka lënë asnjë gjurmë. “A e dini se ku ka qenë Messi ai vitin e kaluar në këtë kohë? A e dini? Ai ishte eliminuar nga Copa America dhe në vendlindjen e tij. Unë mendojë se ajo ishte edhe më keq, apo jo?”, iu përgjigje portugezi ngacmimeve që iu bënë përgjatë 90 minutave.
Paulo Bento, tekniku i Portugalisë, gjithashtu u shfaq në krah të Ronaldos, duke e cilësuar një futbollist më cilësi të mëdha. “Ai nuk është nën presion nga ne, ai është këtu për të na ndihmuar”, deklaroi Bento.
