Favorizonin kosovarët, shkarkohen 4 kontrollorë
Kater kontrollore ne aeroportin e Rinasit jane shkarkuar pas një hetimi te Shërbimit të Kontrollit të Brendshëm në Policinë e Shtetit. Burime nga policia bëjnë me dije se janë liruar nga detyra 4 punonjës të pikës së kufirit në aeroport të cilët akuzohen se favorizonin kalimin e shtetasve kosovarë.
Gjatë përgjimit për një kohë disa javore, rezultoi se kontrollorët e Rinasit, kanë favorizuar shtetas të Kosovës, për të kaluar kufirin nga Shqipëria në drejtim të vendeve të Shengenit me viza të falsifikuara. Keta te fundit janë kthyer nga vendet e BE-së dhe të gjithë kontrollorët që kanë qenë në detyrë i kanë kaluar ata edhe pse kanë qenë në dijeni të vizave të tyre të falsifikuara. Mësohet se gjithashtu 7 oficerëve iu është ulur grada pasi janë në hetim për favorizim në kalimin e 11 kosovarëve.
Policia nuk bëri të ditur se kundrejt çfare shifre të hollash kontrolloret lejonin të kalonin shtetasit kosovarë me viza të falsifikuara.
