Ballkani Perendimor, rimëkëmbja ekonomike jo e barabartë në 2010

Rimëkëmbja ekonomike në Ballkanin Perëndimor ka qenë jo e barabartë gjate vitit te kaluar, për shkak se në Serbi rritja e prodhimit te brendshem bruto ka arritur 1,8 %,  ndërsa në Kroaci ka ardhur deri në rënie GDP prej 1,2 %, sipas vleresimit te Komisionit Evropian. Në të njejtën periudhë, Shqipëria e ka tejkaluar krizën pa recesion dhe ka arritur rritje të GDP prej 5,7 % shtesë në tremujorin e fundit të vitit 2010, ndërsa gjatë gjithë vitit 1,4 %, njoftoi BTA. Komisioni Evropian në analizën ekonomike te tij thekson se rritja e ekonomisë dhe GDP në rajon ka ardhur fillimisht, fale  rritjes së eksportit, që ka sjelle dhe zvogëlim të deficitit të jashtëm tregtar. Në Mal të Zi, sipas vlerësimeve të KE-së, GDP në vitin 2010 është rritur për 1,1 %, në Bosnjë e Hercegovinë 0,9 %, në Maqedoni 0,7 %, ndërsa në Kosovë  ishte 4,6 %. Nderkaq, sipas vleresimeve te KE, papunësia  mbetet problem i madh për gjithë rajonin, madje në Serbi dhe Kroaci ka ardhur në rritje. Në Serbi, shkalla e papunesise arriti në 20 %, ndërsa në Kroaci 11,8 % nga popullata e aftë për punë, por papunësia është shumë shqetësuese edhe ne shtete te tjera te rajonit.  Shkalla me e larte e inflacionit eshte regjistruar ne Serbi ne 2010, kur rritja e çmimeve ka arritur 10,3 % , ndërsa në Mal të Zi ishte vetëm 0,5 %, në Kroaci 1 % , në Maqedoni 1,6 %, në Bosnje-Hercegovine  2,1 %, në Shqipëri 3,6 % dhe në Kosovë 3,5 %. Në analizën e KE-së thuhet se rritja e inflacionit në Ballkanin Perëndimor ka ardhur për shkak të shtrenjtimit të ushqimit, si dhe naftës në tregun botëror.

pixelstats trackingpixel
Dergoja nje shoku
Friend Email
Enter your message
Enter below security code

Komentoni »

Log in | Dizenjuar nga GSC